Жителите на село Никиштани конечно ќе добијат чиста и питка вода до свите домови. Градоначалникот Александар Наумоски, со својот тим, ги посети никиштанци,при што направија увид во градежните работи и утврдената динамика во поставувањето на водоводната мрежа.
Правиме напори да ја исправиме,,грешката” која години наназад го остави ова село без вода, изјави Наумоски. Почнавме во ноември и ќе завршиме до крајот на годинава.
Во моментов се изведува вториот прстен од дистрибутивната примарна и секундарна мрежа кој е во должина од 2.200 метри. Вредноста на проектот е 9 милиони денари е во реализација на општина Ѓорче Петров, со поддршка од Министерството за животна средина и просторно планирање.
